Orfoqrafiya və durğu işarələri

Azərbaycan əlifbasında 32 hərf var: 9 sait (a, e, ə, ı, i, o, ö, u, ü) və 23 samit. Sözdə neçə sait varsa, o qədər hecası olur.

Sözün sonunda q və k ilə bitən bəzi sözlər sait şəkilçisi qəbul etdikdə ğ və y-ə keçir: ayaq – ayağı, çiçək – çiçəyi.

Xüsusi adlar (şəxs, yer, ölkə adları) və cümlənin ilk sözü böyük hərflə başlanır. Bayram adlarında yalnız ilk söz böyük yazılır: Novruz bayramı.

Qoşa və təkrar sözlər defislə yazılır: ata-ana, bir-birinə, yavaş-yavaş.

Cümlənin sonunda nöqtə, sual cümləsində sual işarəsi, hiss-həyəcanı bildirən cümlələrdə nida işarəsi qoyulur. Eynicinsli üzvlər və xitab vergüllə ayrılır: Əli, bura gəl.