Konstitusiyanın əsasları
Azərbaycan Respublikasının hazırkı Konstitusiyası 1995-ci il noyabrın 12-də ümumxalq səsverməsi (referendum) ilə qəbul edilmişdir. Konstitusiya dövlətin əsas qanunudur və ali hüquqi qüvvəyə malikdir.
Azərbaycan dövləti demokratik, hüquqi, dünyəvi, unitar respublikadır. Dövlət hakimiyyəti bölgü prinsipi əsasında təşkil olunur: qanunvericilik, icra və məhkəmə hakimiyyəti.
Əsas hüquq və azadlıqlar
İnsan və vətəndaş hüquq və azadlıqlarının təmin edilməsi dövlətin ali məqsədidir. Hər kəs qanun və məhkəmə qarşısında bərabərdir, yaşamaq, mülkiyyət və məhkəmə müdafiəsi hüququna malikdir.
Cinayət törətməkdə təqsirləndirilən hər kəs təqsirliliyi qanuni qaydada sübuta yetirilənədək təqsirsiz sayılır (təqsirsizlik prezumpsiyası).
Dövlət orqanları
Qanunvericilik hakimiyyətini 125 deputatdan ibarət Milli Məclis, icra hakimiyyətini Prezident həyata keçirir. Ədalət mühakiməsini yalnız məhkəmələr həyata keçirir. Prezident 7 il müddətinə seçilir, Milli Məclis deputatları isə 5 il müddətinə.