Nitq hissələri
Əsas nitq hissələri: isim (kim? nə? hara?), sifət (necə? nə cür? hansı?), say (neçə? neçənci?), əvəzlik, feil (nə etmək?) və zərf. Köməkçi nitq hissələri qoşma, bağlayıcı, ədat və modal sözlərdir; nida ayrıca qrupdur.
İsmin 6 halı var: adlıq, yiyəlik (-ın, -in), yönlük (-a, -ə), təsirlik (-ı, -i), yerlik (-da, -də), çıxışlıq (-dan, -dən).
Feil və onun formaları
Feilin inkarı -ma, -mə şəkilçisi ilə düzəlir (getmədi). Məsdər -maq, -mək (oxumaq), feili sifət -an, -ən (oxuyan), feili bağlama isə -araq, -ərək (oxuyaraq) kimi şəkilçilərlə yaranır.
Cümlə və cümlə üzvləri
Baş üzvlər mübtəda və xəbərdir; ikinci dərəcəli üzvlər tamamlıq, təyin və zərflikdir. Mübtəda adlıq halda olur və kim? nə? hara? suallarına cavab verir.
Məqsədə görə cümlələr nəqli, sual, əmr və nida cümlələrinə bölünür. Mürəkkəb cümlələr tabesiz və tabeli olur. Xitab və ara sözlər cümlə üzvü sayılmır.